ყველაფერი (ჩემთვის) იმიტ დაიწყო, რომ თიბისი ბანკთან სეირის საყურებლად წავედი. ახლოს ვცხოვრობ და მაინც არ მქონდა საქმე. შემდეგ ხელში 1 კონვერტი ჩამივარდა, ამის ამოხსნაში მეორე ეტაპზე გადავედი (მივიღე მინიშნება უყურე 26 მარტს "კურიერი .."–სო) და ინტერესი გამიჩნდა რა იქნებოდა მესამე ეტაპზე. აქ უკვე 24 საათი შვებულებაში გასვლამ მომიწია. მესამე ეტაპი საინტერესო აღმოჩნდა, თუმცა მე ვერ დავძლიე. საინტერესოა როგორ უნდა დამეძლია და ამის შესახებ ინფორმაციას ისევ ამ ბანკისგან ველოდები. თუმცა მეოთხე ეტაპზე გადასასვლელი კოდი ერთმა ადამიანმა მომცა, "რამოდენიმე მცდელობის მერე დამბლოკა 24 საათით და შენ სინჯე, თუ შევიდა ეგ არის"–ო. პრინციპში ერთი ვარიანტი იყო მოწერილი და ზუსტად ეგ ვარიანტი აღმოჩნდა სწორი. აქ უკვე 48 საათი მოითბინეთ და მოვა შემდეგი ინსტრუქციაო. არ არის პრობლემა, თუ მესამე ასეთი მძიმე ეტაპი იყო, მეოთხე უფრო რთული უნდა ყოფილიყო ლოგიკურად, მაგრამ ნურას უკაცრავად, მეოთხე ეტაპის მინიშნების მაგივრად კურიერში გამარჯვებული ანახეს, რომელსაც ემოციის მსგავსი არაფერი ეტყობოდა, რომელზეც 2 სიტყვა არ თქმულა და სტადიონზე შეკრებილმა სულ ცოტა 60 000–მა ადამიანმა უსმინა რომ ვიღაც რაღაცას ამბობდა მიკროფონში. მსგავსი გასულელება მე არ მინახავს. მე არ მქონდა პრეტენზია გამარჯვებაზე. ვიმეორებ, ჩემი ინტერესი იყო ლოგიკური თავსატეხების ამოხსნა, რომელიც რატომღაც არანაირი ლოგიკით არ იხსნებოდა. და უცებ გამარჯვებული ისე გამოვლინდა, არავის არ ქონია შანსი.
მე ვისთანაც მქონდა ურთიერთობა და გადავიდნენ ბოლო ეტაპზე, თანაბრად შეეძლოთ მოეგოთ ეგ 10 000, მაგრამ რატომღაც საშვიანმა ბიჭმა მოიგო. საიდან საშვი? როგორ გაჩნდა იქ?
აღიაროს ვინმემ ბანკიდან რომ ეს იყო შეცდომა
воскресенье, 27 марта 2011 г.
Подписаться на:
Сообщения (Atom)
